எம்மக்களே!!

எம்மக்கள்!!

இலைகள் மாதிரி!!
அறியாமை எனும் காற்றில்
தெளிவில்லாமல் வாழ்ந்து
பின்
சருகாக வீழ்கின்றனர்!!

புரட்சி எனும்
புயல்கொண்டே அவர்களை
புதுப்பிக்க வேண்டும்!!

எம்மக்கள்,
பரமசிவன் பாம்பு மாதிரி
பழமைவாதம் தலைக்கேறியதில்
பதவியில் இருந்தும்
பயனற்று கிடக்கின்றனர்!!

பகுத்தறிவு என்பதை
பறை இசைபோல
பளிச்சென்று சாற்றி
அவர்களை
பக்குவப்படுத்திட வேண்டும்!!

எம்மக்கள்!
காட்டுக்குதிரை மாதிரி!!
ஆதரவும் அரவணைப்பும்
இல்லாதபோதும்
சுதந்திரமற்ற சமூகத்தில்
சுழி இருக்க விடாத மாதிரி
சுற்றி திரிகின்றனர்
சுதந்திரமாய்!!

அவர்களுக்கு
கல்வி எனும்
கடிவாளம் போட்டு
நிதானப்படுத்தி
பின்
நிலைப்படுத்திட வேண்டும்!!

எம்மக்கள்!!
கூண்டுக்குள் அடைப்பட்ட
குருவிகள் மாதிரி!!
குழப்பவாதிகளிடம் சிக்கி
குலப்பெருமை
பணப்பெருமை பேசி
குறுகிய வட்டத்திற்குள்
சுருங்கி விட்டனர்!!

அவர்களின் அறியாமை
கதவை உடைத்து
ராஜாளி என
உணர்த்தி
பொதுவுடைமை எனும் கண்கொண்டு
உலகை
உயர்ந்து பார்க்க செய்திடல் வேண்டும்!!

எம்மக்கள்
வெட்டிபோட்ட விறகு மாதிரி!!
அறிவென்பது சிறிதும் இன்றி
அங்காளி பங்காளி என்று
பிளவுபட்டு கிடக்கின்றனர்!!

அவர்கள்
எந்த பயனுமின்றி

எரிந்து சாம்பலாக போகும் முன்

எடுத்துரைக்க வேண்டும்!
எல்லோரும் சமம் என!!

எம்மக்கள்,
தொலைந்து போன
வரலாறு மாதிரி!!
ஆளுக்கொரு கதை சொல்லி
அனுசரித்து கொள்கின்றனர்!!

தொலைநோக்கு பார்வை கொண்டு
அவர்களை
நேர்படுத்திடல் வேண்டும்!!

எம்மக்கள்..
கோபுரம் காண துடிக்கும்
கோயில் பக்தன் மாதிரி!!

ஆடம்பரத்தையும்
ஆதிக்க போதையையும்
அன்னார்ந்து பார்க்கிறாரான்!

அந்த கோபுரம் மாதிரியே
அதில்
அறிவுக்கொன்றுமில்லை என
அறிவுறுத்தல் செய்ய வேண்டும்!


சீர்திருத்த பணியில்

சிறுவன் ஒருவனாய்

நானும் என் தோழர்களுடன்...


#பகத்சிங்


sbhagath6@gmail.com
7550383005

ஆகஸ்ட் 1 2020ல் எழுதியது..

Comments

  1. பிரபாகரன் செல்வராசு June 27, 2021 at 7:32 AM

    சிறப்பு தம்பி......வாழ்த்துகள்

    ReplyDelete
  2. @amaljameswriterJune 27, 2021 at 7:35 AM

    அருமை சகோதரரே....

    ReplyDelete
  3. AJune 27, 2021 at 8:22 AM

    அருமை தோழர்

    ReplyDelete
  4. UnknownJune 27, 2021 at 8:39 AM

    அருமை அண்ணா i love you so much 😍😍😘

    ReplyDelete
  5. UnknownJune 27, 2021 at 6:08 PM

    அருமை அருமை வாழ்த்துக்கள் மாப்பிள்ளை

    ReplyDelete

Post a Comment

Popular posts from this blog

மரப்பயணம்

Image
அந்த மரம் ஆறு பெருங் கிளைகளைக் கொண்டிருந்தது! அன்று சிறுவர்களாய் இருந்த நாங்கள் ஏறி விளையாடும் அற்புத மரம்! ஒரு கிளையில் விமானப்பயணம் ஒரு கிளையில் கப்பல் பயணம் ஒரு கிளையில் பேருந்து பயணம் என எங்கள் சுற்றுப்பயணங்கள் அனைத்தும் அந்த மரத்தைச் சுற்றியே அமைந்திருக்கும்! விடுமுறை தினங்களில்  நிரம்பும் போக்குவரத்து வாகனங்களைப் போல மரமும் நிரம்பிக் கொள்ளும்  மாணவராகிய எங்களால்! எங்கள் கால் தடம் படுவதால் கட்டெறும்பு சிற்றெறும்பு என எதுவும் ஏறாது!! பின்பொருநாளில் அந்த மரத்தை  மகளின் கல்யாணத்தில் சமைக்க விறகுக்காக வெட்டி வீழ்த்தினார் அந்த மரத்துக்காரர்! வேரோடு சாய்ந்தது மரம் மட்டுமல்ல! எங்கள் மகிழ்வான நினைவுகளும் தான்! # பகத்சிங்
Read more

திருமா திமுகவுடன் தான் இருப்பார்!!

Image
   புரட்சியாளர் அம்பேத்கர் அவர்களின் நினைவு தினத்தை முன்னிட்டு ஆனந்த விகடன் வெளியிட்ட ' எல்லோருக்குமான தலைவர் அம்பேத்கர்' எனும் நூல் வெளியீட்டு விழாவில் பேசிய தவெக தலைவரும் நடிகருமான விஜய் அவர்கள், விடுதலை சிறுத்தைகள் கட்சியின் திருமாவளவன் அவர்கள் இந்த நிகழ்ச்சியில் கலந்து கொள்ள முடியாத அளவிற்கு கூட்டணி கட்சிகளின் அழுத்தம் இருப்பதாக சொல்லிவிட்டு, திருமா திமுகவின் கட்டுப்பாட்டுக்குள் இருப்பதைப் போல பேசினார்! முதலில் அதற்கு வன்மையான கண்டனங்களை பதிவு செய்கின்றோம்!  அதற்கும் சற்று நேரத்தில் செய்தியாளர்களை சந்தித்த தலைவர் திரு திரு. திருமா அவர்கள், "அழுத்தம் கொடுத்து இணங்கக் கூடிய அளவிற்கு நானும் விடுதலைச் சிறுத்தைகளோ பலவீனமாக இல்லை" என்று பதிலடி கொடுத்தார்.  இது பற்றி நம்முடைய பார்வையை உங்கள் முன் எடுத்துரைக்கிறோம்.  முதலில், 'திருமா அவர்கள் திமுக கூட்டணியில் தான் இருப்பார். திமுக கூட்டணியில் தான் இருக்க வேண்டும்' என்பதுதான் சரியான வாதமாகும்.  ஏனென்றால்,ஆரம்ப காலத்தில் தலித் மக்களின் குரலாக அறியப்பட்டு, இன்றைக்கு ஒட்டுமொத்த தமிழ் சமூகத்தின் குரலாக ஒலித்துக் கொண...
Read more

அறம்

Image
1.சமரசக்கொடி கொள்கைப் பேசி கூட்டம் சேர்க்க  நீங்கள் நீட்டிப் பிடிக்கும் கொடிகளின்  நிறங்கள் வெவ்வேறு..... கொள்கையை பிரதிபலிக்க வேண்டிய கொடியின் நிறங்கள்  சில நேரங்களில் சிலருக்காக வெள்ளைக் கொடிகளாகிப்போவதென்ன வேடிக்கை?! 2.அரசு நமக்கானது . இறந்த பின்பு அரசு மரியாதையெல்லாம் கிடைக்க வேண்டாம், இருக்கும்போது அரசு மருத்துவமனையில்  கொஞ்சம் மரியாதை கிடைத்தால் போதும்! 3. தீண்டும் ஆமை ஒரே கடையில்  அதே விலையில் நேற்று  நான் குடித்த  குவளையில் நீயும்  நீ குடித்த  குவளையில் நானும்  அருந்தும் தேநீரில்  உனக்கு மட்டும் என்ன மூல வியாதி மருந்து கலந்தா கொடுக்கிறார்கள்? உட்கார்ந்து குடிக்க மறுக்கிறாயே என் அருகில்.... 4.ஒரு காதல் கதை  எனக்கு பிடித்த எல்லாமும்  உனக்கு பிடிக்கத் தேவையில்லை.. உனக்கு பிடித்த எல்லாமும் சில நேரங்களில் எனக்கும் பிடிப்பதில்லை... ஆனால், நீயும் நானும்  ஒன்றாகவே இருக்கின்றோம், ஒரு முட்டைக்குள்  மஞ்சள் கரு வெள்ளை கருவைப் போல..... 5.ஆறறிவு விலங்கு. மதத்துக்குள் அடங்கும் கடவுளால் கூட மதங்கொண்ட யானையை அடக்க முடிவதி...
Read more